दिन प्रतिदिन सं’क्रमितको संख्या र मृ’त्यु हुनेको संख्या बढ्दै गएको भारतमा कोरोनाबाट एक सय ९६ डाक्टरहरूको ज्या’न गएको भारतीय मेडिकल एसोसिएसनले जानकारी दिएको छ । आईएमएले प्रधानमन्त्री नरेन्द्र मोदीलाई उक्त घ’टनाबारे ध्यान दिन अपिल गरेको छ। आईएमएले प्रधानमन्त्री नरेन्द्र मोदीलाई विशेष जोखिम समूहका डाक्टरहरू र उनीहरूका परिवारहरूलाई पर्याप्त स्वास्थ्य सुविधाहरू प्रदान गर्न सुनिश्चित गर्न अपिल गरेको छ ।
प्रधानमन्त्री मोदीलाई पठाएको एउटा पत्रमा प्रधानमन्त्रीको ध्यान कोभिड १९ को सं’कटमा डाक्टरहरूको सुरक्षाकाबारे बढ्दो चिन्ताको विषयमा केन्द्रित बनाइएको छ । पत्रमा लेखिएको छ, ‘कोभिडको कारण डाक्टरहरू सं’क्रमित र जीवन गु’माउनेहरूको मामला बढ्दैछ। तिनीहरू मध्ये धेरै सामान्य चिकित्सकहरु छन्। जनसंख्याको ठूलो वर्गहरूलाई उनीहरुले ज्वरो र सम्बन्धित लक्षणहरूको लागि परामर्श दिन्छन्।’
पत्रमा यो पनि लेखिएको छ, ‘यस्तो दुःखलाग्दो समाचार आउँदै छ कि डाक्टरहरू र उनीहरूका परिवारले अस्पतालमा ओछ्यान पाइरहेका छैनन् र धेरै अवस्थामा औषधिको पनि अभाव छ। कोभिडबाट डाक्टरको मृ’त्यु हुने संख्या भ’यावह रूपमा बढिरहेको छ।’
यो पनि पढ्नुस्
प्रधानमन्त्री केपी शर्मा ओलीले नेपालमा रहेकाे भनिएकाे भगवान रामकाे जन्मभूमि अयोध्यापुरीकाे अध्ययन, उत्खननका काम अगाडि बढाउन निर्देशन दिएका छन् । शुक्रबार माडी नगरपालिका वडा नं ९ का वडाध्यक्ष शिवहरि सुवेदीलाई टेलिफोन गर्दै प्रधानमन्त्रीले अयोध्यापुरीको अध्ययन अगाडि बढाउन निर्देशन दिएका छन् ।
वडाध्यक्ष सुवेदीले ‘त्यहाँ के कस्ता संरचना छन्, केके बनाउनुभएको छ ?’ भन्दै प्रधानमन्त्रीले टेलिफाेनमा चासाे राख्नुभएकाे बताएका छन् । उनले प्रधानमन्त्रीकाे भनाइ उद्धृत गर्दै भने, ‘भारतमा भएको अयोध्याका विषयमा त्यहाँका जनतासमेत विश्वस्त नरहेको पाइएकाले हाम्रो अयोध्याका विषयमा थप अध्ययन र संरक्षणमा जुट्नुपर्छ । तपाईँहरु के के गर्दै हुनुहुन्छ, तुरुन्तै काम अघि बढाउनुपर्यो ।’
प्रधानमन्त्री ओलीले अयोध्यापुरीका विषयमा माडीको टोलीसँग छलफलका लागि आतुर रहेकाे वडाध्यक्ष सुवेदीकाे भनाइ छ । उनले प्रधानमन्त्रीले राम जन्मस्थल अयोध्या नेपालमै रहेकाे बारे यथेष्ट प्रमाण रहेकाे विश्वास समेत दिलाएको बताए । सोमेश्वर गढी, वाल्मिकी आश्रमलगायत स्थानसमेत बलियो आधार भएको र अन्य अध्ययनले पनि बलियाे सम्भावना देखाएकाे प्रधानमन्त्रीकाे विश्वास छ ।
माडीमा रहेका पुराना धार्मिक सम्पदा र पुरातात्विक सामग्रीको संरक्षण गर्न अनुरोध समेत गर्दै प्रधानमन्त्री ओलीले आगामी रामनवमी पर्वमा ठूलो पूजा गरी काम शुरु गरिने बताउनुभएको वडाध्यक्ष सुवेदीले जानकारी दिए ।
प्रधानमन्त्री ओलीले आज शनिबार माडीका नगर प्रमुखसहितका प्रतिनिधिलाई भेट्न बालुवाटारमै बोलाएको माडी नगरपालिका प्रमुख ठाकुर ढकालले जानकारी दिए । ढकालका अनुसार वडाध्यक्ष सुवेदी, नेपाल कम्युनिष्ट पार्टी (नेकपा)का माडी अध्यक्ष प्रभु महतो, सचिव नारदमणि पौडेलसहितको टोलीले प्रधानमन्त्रीलाई भेट्नेछ ।
