चन्द्रागिरी नगरपालिका – ३ थानकोटस्थित नेपाल आयल निगम थानकोट डिपाे नजिक माेडमा डिजेल बाेकेकाे ट्याङ्कर दु’र्घटना भएकाे छ । रक्साेल डिपाेबाट थानकाेट डिपाेमा अनलाेडका लागि ल्याएकाे ट्याङ्कर बाटाेमा मान्छे क्रस गरेपछि बचाउने क्रममा अनियन्त्रित भई पल्टिएको नेपाल पेट्राेलियम ट्याङ्कर चालक संघका कार्यालय सचिव बादल लामाले बताए ।
उक्त ट्याङ्करका चालक सुरेश बिक भने सकुशल रहेको लामाले बताएका छन् । ना ७ ख ७३९ नम्बर ट्याङ्करले २० केएल (२० हजार लिटर) डिजेल रक्साेल डिपाेबाट थानकाेट डिपाेमा ल्याउँदै थियाे । दु’र्घटनामा ट्याङ्करका पाँच च्याम्बरमध्ये दुई च्याम्बरकाे ४ हजार लिटर डिजेल पाेखिएकाे छ । स्थानीयका अनुसार नजिकै निगमको डिपो भएपनि ठूलो दु’र्घटना टरेको छ ।
यो पनि पढ्नुस्
यति बेला भारतबाट स्वदेश फर्किने नेपालीको तुलनामा उतै जानेको संख्या झन्डै तीन गुणा बढी देखिएको छ । कञ्चनपुरको डोके बजार प्रहरी चौकीको तथ्यांक छ– भदौ १३ गतेपछि एक सातामा भारतबाट ६ सय २८ जना नेपाल फर्किएका छन्। भारत पस्नेको संख्या भने त्यही अवधिमा १ हजार ५ सय ५२ छ ।
‘अहिले नेपाल आउनेभन्दा भारत पस्नेको संख्या बढी छ’, डोके बजार चौकीका प्रहरी नायब निरीक्षक भूपाल थापाले भने, ‘नेपालमा रोजगारी नै पाइएन भन्छन्। कोरोनाको डर पनि लाग्दैन भन्छन् ।’ कैलालीको त्रिनगर नाका भएर दैनिक २ सय ५० जना भारत जान थालेका छन् । भारतीय पक्षले उनीहरूको आधारकार्ड भए जान दिने गरेको छ । आधारकार्ड नभएकाहरू पनि आफ्ना ‘मालिक’ नाकामै आउन थालेपछि भारत पस्न सजिलो भएको छ ।
कैलालीको गौरीगंगा नगरपालिका–६ बनबेहडाका बुद्धि साउद फेरि भारत पसेका छन् । गुजरातको एक अपार्टमेन्टमा काम गर्ने साउद लकडाउन हुने हल्ला चलिरहेकै बेला गत फागुन २० गते स्वदेश फर्केका थिए । ‘६ महिना नुनतेलकै लागि समस्या भयो। नेपालमा केही काम पाइएन । घरमा २ छोरी, श्रीमती, आमा र २ भाइ छन् । उनीहरूलाई पाल्नु परेन ? घरको कमाउने व्यक्ति मै हुँ’, आक्रोशित देखिएका उनले भने, ‘आउने बेला पनि यही सोध्छन्, जाने बेला पनि ।’
यस्तै, सुर्खेतको लेकबेसीका रणबहादुर राईसहित १५ जनाको समूह पनि गौरीफन्टा नाकामा लाइनमा थियो । ‘सिमला जान लागेको, त्यहाँ अहिले जानेबित्तिकै काम पाइँदो रहेछ’, राईले भने। भारतको सिमला स्याउको पकेट क्षेत्र हो । अहिले त्यहाँ स्याउ टिप्ने समय हो। कर्णाली र सुदूरपश्चिम प्रदेशका बासिन्दा सिमलामा स्याउ टिप्न अन्य महिला र बालबालिकालाई लिएरै जान थालेका छन् । राई लकडाउनका बेला चैत पहिलो हप्ता नेपाल फर्किएका थिए। ‘पेट पाल्न कोरोना पचाइन्छ’, उनले भने । भोकले मर्नुभन्दा जोगिएर बसे कोरोनाबाट नमरिने उनको भनाइ छ । याे खबर अन्नपूर्ण पाेस्ट दैनिकमा छ ।
